The Sun

 

 http://the-sun.on.cc/cnt/entertainment/20120513/00470_080.html

 

麥貝夷Mood到掃眼鏡鍾一憲髮飾當煲呔

  •  
  •  

默契十足的情侶檔歌手鍾一憲(Jason)及麥貝夷(Karene)同樣愛儲飾物,常穿恤衫的Jason喜歡變身「煲呔J」,顏色愈Sharp愈愛;原本是四眼妹的Karene則愛儲眼鏡,並會以不同款式配襯當日心情。

 

情侶檔歌手Jason與Karene互數是貪靚一族,不時四出搜購配飾襯衫,他們分別最愛煲呔及眼鏡,收藏數量更是「唔講得笑」!Jason擁有近百個煲呔,顏色及款式超多,令人花多眼亂!問到何以喜歡儲煲呔?他笑言源於其「豐滿身材」:「以前細個係肥仔,冇咩自信,所以想靠衣着搶眼,而且有時食肥咗扣唔到頸喉鈕,都可以打煲呔遮一遮!」

戴黑超遮眼腫

Jason坦言打煲呔已成為其標誌,不少觀眾都憑此認得他。而早前他生日時收到一名忠實Fans的「七彩煲呔禮盒」,令他大感窩心:「佢親手整咗十幾個煲呔畀我,有齊唔同顏色,方便襯衫。」在眾多收藏中,有不少都是DIY作品,Jason表示因他認識煲呔店老闆,對方不時為他「打造」得意款式,例如改良髮飾及波襪煲呔,認真有創意!

 

而Karene亦收藏40多副眼鏡,包括黑超、平光鏡及冇鏡片的眼鏡。原來小學時代她已是四眼妹,雖然長大後因工作需要改戴隱形眼鏡,但仍「超不離身」,袋中隨時有一、兩副眼鏡。問到揀眼鏡的準則,Karene說:「我塊面比較細,所以形狀要配合到我面形,如果係限量版就更值得儲。」自認是購物狂的她,每逢發生一件大事便買一樣東西紀念,她拿起黑白框的太陽眼鏡說:「幾個月前屋企有白事,喊到眼腫腫,就買呢款黑白色嘅遮住雙眼。」而另一款藍框黃臂的則是與開心事有關,她說:「舊年暑假出EP,買呢副嚟獎勵自己,顏色夠繽紛。」此時Jason表示有同款眼鏡,並即戴上,但原來兩人並非一齊買,莫非真是心有靈犀?

互相置裝 心有靈犀

Jason與Karene分別儲下大批煲呔及眼鏡,可見對衣着十分講究,兩人亦對對方的Taste瞭如指掌。這天兩人不約而同穿上粉色系列,更表示會為對方買下合適的飾物及衣服,認真窩心!Karene說:「行街見到啱對方嘅都會買,我哋都清楚大家鍾意咩,唔會買錯。」但他們坦承拍檔初期不時為襯衫有拗撬,要相處一段時間才開始有默契。

立影

 

麥貝夷收藏逾四十副眼鏡,鍾一憲則是煲呔狂迷。

 

 

麥貝夷愛以不同款式的眼鏡,配合當日的心情。v

 

 

鍾一憲和麥貝夷揀飾物的Taste相近,默契十足。

 

 

鍾一憲自爆因以前肥到扣不到頸喉鈕,故打煲呔遮醜!

 

 

難忘之選

「舊年暑假推出EP,買呢副眼鏡賀一賀佢,貪佢藍色框、黃色臂夠晒色彩繽紛!」

 

 

「呢個『七彩煲呔禮盒』係我生日時Fans送,佢知我勁鍾意煲呔,好感動!有十幾款顏色,點襯衫都得!」

 

 

「副眼鏡係單車品牌出,買咗後即刻戴住踩單車,點知仆親整傷手,身邊啲人仲笑我,半句安慰都冇!」

 

 

「其實呢幾個本身唔係煲呔,係女裝髮飾嚟o架!不過經我同朋友改良,就可以戴上頸喇!」

 

 

「幾個月前屋企發生咗唔開心事,喊到對眼腫晒,咁啱見到呢款黑白太陽眼鏡,好代表我當時心情。」